“Neftçi”də rəqabət var” – Sabir Buqrin
15.01.2021 , 11:17
“Zaman keçdikcə özümü evdəki kimi hiss edirəm”.
Korner.az-ın məlumatına görə, bu sözləri “Neftçi”nin yarımmüdafiəçisi Sabir Buqrin “Keşlə” ilə yoxlama oyunundan (4:3) sonra “Neftçi TV”yə müsahibəsində deyib. Mərakeş əsilli belçikalı futbolçu komandasında rəqabət olduğunu bildirib:
“Buraya uyğunlaşıram və özümü daha yaxşı hiss edirəm. Ona görə də bu performansı göstərirəm. Təlim-məşq toplanışı çox yaxşı keçir. Hər kəs özünü yaxşı hiss edir. Komandada rəqabət var və getdikcə irəliləyiş çoxalır”.
Buqrin yanvarın 21-də “Səbail”lə keçiriləcək rəsmi oyun haqda da danışıb:
“Həmişə olduğu kimi, bu matça da çıxıb əlimizdən gələnin ən yaxşısını etməyə çalışacağıq. Öz oyunumuzu göstərə bilsək, qorxmağa dəyməz”.
