Azərbaycan kubokunun 1/4 final mərhələsində AZAL-la cavab matçına çıxacaq “Neftçi” digər klublardan daha çox istirahət edəcək.
Korner.az-ın məlumatına görə, Premyer Liqanın XXVI turunda oyun keçirməyəcək paytaxt təmsilçisinin növbəti matçı aprelin 1-nə təsadüf edəcək.
Buna səbəb martın 18-də çempionat oyunlarından sonra milli komandanın bir araya gəlməsidi. AZAL-la kubok oyunundan sonra 3 günlük istirahətə buraxılacaq “ağ-qaralar” martın 17-də bir araya gələcəklər. Komanda martın 23-də yoxlama görüşündə qüvvəsini sınayacaq. Əgər həmin gün üçün rəqib tapılmasa, əvəzedici heyətdən bir neçə futbolçu cəlb edilərək ikitərəfli oyun keçiriləcək.
