“Xəzər Lənkəran”ın “Neftçi”nin futbolçusunu transfer etməyə hazırlaşması barədə xəbərlər yayılıb.
Korner.az-ın məlumatına görə, müqavilə ilə paytaxt klubuna məxsum olan və icarə əsasında “Sumqayıt”da top qovan Slavik Alxasovun Lənkəran təmsilçisinə keçəcəyi iddia olunur.
Məlumata görə, Mustafa Dənizli gənc futbolçunun transferini istəyir. Maraqlıdı ki, son iki turda cəza səbəbindən oynamayan Alxasovun oyunu türk mütəxəssisi harda və necə cəlb edib?
Artıq “Neftçi” xəbəri təsdiq edib. Klubun Mətbuat və İctimaiyyətlə Əlaqələr Departamentinin rəhbəri Gündüz Abbaszadə “Xəzər Lənkəran” və “Neftçi” arasında şifahi razılığın əldə olunduğunu bildirib. Alxasov özü isə bu transferdən xəbərsiz olduğunu deyib.
Qeyd edək ki, Slavik son 3 mövsümdə icarə əsasında “Sumqayıt”da çıxış edib. 20 yaşlı müdafiəçi Premyer Liqada keçirdiyi 63 oyunda 5271 dəqiqə oynayıb.
Fanat.az
