Bu gün Topaz Premyer Liqasında 20-ci turun oyunlarına start veriləcək.
Korner.az-ın məlumatına görə, ilk oyun gününə iki oyun nəzərdə tutulub.
Turun açılış matçı Qəbələdə baş tutacaq. Buranın eyniadlı klubu AZAL-ı sınağa çəkəcək. Son turda qələbə qazanan hər iki komandanın dueli maraqla gözlənilir. Oyun saat 14:00-da başlayacaq.
Günün son qarşılaşmasında "Neftçi" və "Simurq" üz-üzə gələcək. Son turda səfərdə AZAL-a uduzan Arif Əsəsdovun komandası bu görüşdə qələbə qazanmaqla çempionluq uğrunda mübarizəsini davam etdirməyə çalışacaq. Lakin turnir cədvəlində "Neftçi"nin ən yaxın izləyicisi olan "Simurq" səfərdən ən azı bir xalla ayrılmaq niyyətindədir. Bu matçın start fiti saat 16:00-da veriləcək.
Qeyd edək ki, Premyer Liqada 20-ci tura sabah keçiriləcək iki oyunla yekun vurulacaq.
6 fevral (cümə)
Azərbaycan Premyer Liqası, 20-ci tur
14:00. “Qəbələ” – AZAL 0:1
Qəbələ şəhər stadionu.
QOL: Rəşad Abdullayev, 90+4-pen. Qırmızı vərəqə: Viktor İqbekoyi, 78
16:00. “Neftçi” – “Simurq” 0:0
Bakı. 8-ci km qəsəbə stadionu.