“Neftçi” “Səbail”lə matçın hazırlığına başladı
26.11.2019 , 17:58
“Neftçi” Premyer Liqanın 13-cü turunda qarşılaşacağı “Səbail”lə matçın hazırlığına başlayıb.
Korner.az xəbər verir ki, “Qəbələ” ilə oyundan (4:1) sonra bir günlük istirahətə buraxılan komanda bu gün “Türk Hava Yolları Futbol Mərkəzi”ndə məşqə çıxıb.
Məşqdə baxışa yeni dəvət olunmuş qvineyalı futbolçu Nabi Silla da iştirak edib. Hazırlıq sabah bir məşqlə davam edəcək.
Xatırladaq ki, dekabrın 1-i “ASCO Arena”da keçiriləcək “Səbail” – “Neftçi” oyununa saat 15:00-da start veriləcək.