“Vacib 3 xalı qazandıq. Bilirdik ki, “Zirə” daha istəkli olacaq. İlk dəqiqələrdən bunu hiss etdik, bizim üçün çətin oldu. Sonradan istədiyimizə çatdıq. İkinci hissədə eyni ssenari oldu. Pressinqlə başladılar, ancaq sonradan istədyimiz oyunu tapa bildik. Azarkeşlərə də təşəkkür edirəm”.
Bu sözləri “Qarabağ”ın baş məşqçisi Qurban Qurbanov deyib. Topaz Premyer Liqasının XIX turunda “Zirə”ni qəbul edən ağdamlılar matçdan 2:0 hesablı qalibiyyətlə ayrılıb. Oyundan sonra baş tutan mətuat konfransıda təcrübəli mütəxəssis jurnalistlərin suallarını cavablandırıb:
– Bu oyuna qədər sual verilirdi ki, Ramil Şeydayevə niyə şans vermirsiniz. Bu dəfə oyunundan razı qaldınızmı?
– Normal. Tək o yox, ümumiyyətlə, hər oyunçunun çıxışından razı qaldım. Daha hazır olanlar meydanda idi. Çox istəkli idi, hərəkətli idi. Razı qaldım.
– Sanki qol duyumunu itirib. Psixoloji problemləri yoxdur ki?
– Bu normal haldı. Bəzən daha çox qol vurmaq istəyəndə epizodları boşa xərcləmək olur. Ancaq bunu normal hesab edirəm. Hücumçuya xas olan xüsusiyyətlərdi. Düşünürəm ki, yavaş-yavaş düzələcək.
– “Neftçi” ilə oyun haqda nə deyə bilərsiz?
– Çətin oyun gözləyir. “Neftçi” keçmiş formasını yığıb. Nə istəyirlərsə, onu da edə bilirlər. Bizi ağır oyun gözləyir. Çalışıb diqqətli olmalıyıq. Azarkeşlırimiz üçün maraqlı oyun olacaq.
