Azərbaycanı Çempionlar Liqasında təmsil edəcək “Neftçi” Hollandiyanın “NEC Neymegen” klubunun hücumçusu Melvin Platyenin transferini bitirib.
Korner.az-ın məlumatına görə, bu barədə məlumatı holland klubunun rəsmi saytı yayıb.
Kanalesin gedişinin ardından hücumçu axtarışına çıxan “ağ-qaralar” qarşı tərəflə ortaq məxrəcə gəlib və 24 yaşlı hollandiyalı forvard Bakı klubunun Avstriyadakı təlim-məşq toplanışına yollanıb. Hollandiya klubu ilə hələ 1 illik müqaviləsi olan futbolçunun “Neftçi”yə transferi tibbi müayinədən keçəndən sonra rəsmiləşəcək.
Qeyd edək ki, Platje 2011-ci ildən oynadığı “Neymegen”də 52 matçda 13 qol vurub. O bunadək 4 il şərəfini qoruduğu “Volendam”da 100 oyunda 43 dəfə fərqlənib.
