“Bizim Allahdan başqa heç kimdən qorxumuz yoxdur. Heç kimin yanında gözü kölgəli də deyilik şükür Allaha. Əgər belə bir şey varsa çıxsın ortaya iddiasını sübut eləsin”.
Bu sözləri Korner.az-a açıqlamasında “Araz Naxçıvan”ı hakimlərin vasitəsilə büdrətmək istədiyi iddia olunan “Neftçala” klubunun prezidenti Famil Səfiyev deyib.
O, fikirlərini belə ifadə edib: “Bu iddiaları sübut eləsin həmin şəxs. Desin filan yerde olub mən də şahidi olmuşam. Biz çirkaba batmamışıq. Təmiz futbol oynamışıq. Mən də çox şeyləri deyə bilərəm, amma gərək sübüt, fakt ola. Biz heç vaxt qeyri-peşəkarlıq etməmişik. Biz peşəkar şəkildə öz işimizlə məşğuluq. İddialar böhtandan başqa bir şey deyil”.
