“Neftçala” Polşa klubuna məğlub olub

Türkiyənin Antalya şəhərində təlim-məşq toplanışında olan “Neftçala” bu gün üçüncü yoxlama matçına çıxıb.
 
Korner.az-ın məlumatına, komanda bu dəfə Polşanın “Yaqelloniya” klubu ilə üz-üzə gəlib. Matç Kamal Quliyevin yetirmələrinin 4:2 hesablı məğlubiyyəti ilə bitib.
 
Qeyd edək ki, birinci divizion təmsilçisi bundan əvvəlki oyunlarında Almaniyanın “Viktoriya” klubuna 2:1, Türkiyənin “Manavqatspor” komandasına isə 5:0 hesabıyla qalib gəlmişdi.