Bu gün “Sumqayıt” Futbol Klubuna baş məşqçi təyin olunan Nazim Süleymanov Korner.az saytına açıqlama verib.
Veteran futbolçu bildirib ki, Sumqayıt təmsilçisi ilə 2 illik müqavilə imzalayıb: “Sumqayıt”ın prezidenti Riyad Rəfiyevlə çoxdan tanışam, onunla milli komandada birlikdə işləmişəm. Görüşdük rəhbərliklə və danışıqlarımız uğurla nəticələndi. 2 illik müqavilə imzaladıq. Məqsədim “Sumqayıt”ı avrokuboklara çıxarmaqdır. Təbii, komanda son mövsümdə çox yaxşı çıxış etdi. Ancaq bəzi boşluqlar var ki, o boşluqları futbolçularla doldura bilsək düşünürəm ki, biz avrokuboklar üçün mübarizə apara biləcək gücdəyik”.
Nazim Süleymanov hələ köməkçilərini müəyyənləşdirmədiyini və bu məsələnin yaxın günlərdə həll olunacağını deyib.