Azərbaycan kubokunun 1/4 final mərhələsinin ilk oyunları çərçivəsində keçirilən "Araz-Naxçıvan" – "Xəzər Lənkəran" qarşılaşmasından sonra Naxçıvan Muxtar Respublikası Ali Məclisin sədri Cənab Vasif Talıbovun göstərişi ilə hər iki komanda üçün ziyafət təşkil olunub.
Korner.az "Araz-Naxçıvan" klubunun mətbuat xidmətinə istinadən xəbər verir ki, tədbirdə çıxış edən Naxçıvan Muxtar Respublikası Gənclər və İdman naziri Azad Cabbarov "Neftçi"nin baş məşqçisi Böyükağa Hacıyevin "Xəzər Lənkəran"la çempionat oyunundan sonra qabartdığı məsələyə də toxunub.
Azad Cabbarov: “Bu gün Naxçıvan və Lənkəran təmsilçilərinin qarşılaşdı. Görüşdə dostluq qalib gəldi. Azərbaycanın hər bir bölgəsi bizə əzizdir. Bugünkü matçdan da hamımız məmnun qaldıq. Bir müddət əvvəl kimlərsə məsuliyyətsiz açıqlamalar vermiş, "naxçıvanlı-lənkəranlı" söhbəti salmışdı. Amma belə danışmaq düzgün deyil. Bu, məsuliyyətsizlikdi”.
