"Qalatasaray'ın hələ də transferini yekunlaşdıra bilmədiyi Uesli Sneyder, nəhayət, özü Türkiyəyə gəlmək məsələsindən danışıb.
Korner.az-ın məlumatına görə, NTV Spor-un əməkdaşının Milandakı evinə daxil olarkən yaxaladığı Sneyder maraqlı açıqlamalar verib.
Müxbirin "Qalatasaray"a yaxınsan?" sualına 28 yaşlı futbolçu: "İndi evimə daha yaxınam", – deyə zarafatyana cavab verib. Sneyderin açıqlama verərkən özünü sərbəst aparması və gözünü kameradan ayırmaması diqqəti cəlb edib.
Qeyd edək ki, hollandiyalı ulduz İtaliya mətbuatına son açıqlamasında qərar vermək üçün "İnter"in ona təzyiq etdiyini və yanvarın 31-dək cavabını qətiləşdirməsini istədiyini deyib.
