"Mançester Yunayted"in yeni transferi Lyuk Şou zədələnib.
Korner.az-ın məlumatına görə, gənc sol cinah müdafiəçisi ciddi zədə alıb. İngiltərə mətbuatına insansaq, futbolçu 4 həftə yaşıl meydanlardan uzaq qalacaq. İngilis futbolçu məşqlərin birində sıradan çıxıb.
Komandanın baş məşqçisi Lui van Qal "Sauthempton"dan transfer olunan futbolçunun zədəsini şərh edib. Onun fikrincə, Şou tam sağlam olmalı imiş:
"Düşünürəm ki, o, sağlam idi. Lakin aşkar olundu ki, futbolçu sağlam deyil. Bu səbəbdən o, mənim istədiyim oyunu göstərə bilməyəcək. İlk növbədə, futbolçu sağlam olmalıdı və fərdi məşqlərə başlamalıdı"
Xatırladaq ki, Lyuk Şou İngiltərə Premyer Liqasında ilk 3 turda komandasına kömək edə bilməyəcək.(Mirror)