Rusiyanın idman naziri və Rusiya Futbol İttifaqının prezidenti Vitali Mutko Avropa Liqasının 1/16 final mərhələsinin püşkatmasının nəticəsini dəyərləndirib.
Korner.az-ın məlumatına görə, o, Moskva “Lokomotiv”inin Türkiyənin “Fənərbağça” klubunu çətinlik çəkmədən məğlub edəcəyini deyib.
“Ura! “Fənərbağça”nın püşkatmada bəxti gətirmədi. Oyunlara siyasi çalar qatmağın yeri yoxdur. Avropa Liqası – oyunları keçirən ölkələrin öz üzrələrinə məsuliyyət götürdükləri yarışdır. Rusiyanın futzal üzrə milli komandası bugünlərdə Türkiyəyə getdi və orada seçmə mərhələ çərçivəsində keçirdiyi bütün oyunlarında qalib gələrək növbəti mərhələyə yüksəldi. “Lokomotiv” də beləcə gedib öz oyununu keçirəcək. Türk azarkeşlər Moskvaya, bizim azarkeşlər isə İstanbula rahat şəkildə gedib-gələ biləcəklər. Hər kəsə xəbərdarlıq ediləcək. Ortaya siyasi məsələlər çıxsa, klublar cəzalandırılacaq”, – deyə Mutko bildirib.
