Həftəsonu baş tutacaq “Xəzər Lənkəran” – “Neftçi” matçından əvvəl cənub komandasının baş məşqçisi Mustafa Dənizli yenidən bəzi qadağalar tətbiq edib. Belə ki, baş məşqçi Mustafa Dənizli futbolçuların mətbuatla ünsiyyətini birmənalı şəkildə məhdudlaşdırıb.
Korner.az-ın məlumatına görə, hansı futbolçu bu qadağaya əməl etməsə 1000 manat cərimə olunacaq.
Bundan əlavə, türk məşqçi futbolçuların qaldığı “Modern” otelə jurnalistlərin gəlməsinə qadağa qoyub.
Qeyd edək ki, "Xəzər Lənkəran" sabah 1 aylıq fasilədən sonra Lənkərana qayıdacaq.