“Belə oyunlarda qələbə komandanın motivasiyasına çox təsir edir. Biz mübarizə apardıq, çalışdıq, ancaq istədiyimiz oyunu oynaya bilmədik”.
Korner.az-ın məlumatına görə, bu sözləri “Neftçi” – “Xəzər Lənkəran” matçından sonra qonaqların çalışdırıcısı Mustafa Dənizli deyib.
Türk baş məşqçi Benuahini Alvaro Silvayla əvəzləməsini belə əsaslandırıb: “Benuahi yorulmuşdu. Digər tərəfdən, Slavik Arazın öhdəsindən gələ bilmirdi. Buna görə də məcbur olub Alvaronu meydana buraxdım ki, müdafiəni gücləndirək”.
Dənizli növbəti mövsüm üçün strategiyanı da açıqlayıb: “Məqsədimiz azərbaycanlı gənc futbolçuların sayını artırmaqdı. Buna görə də əcnəbi futbolçu transferi barədə bir o qədər də düşünmürük”.
