“Hər şey yaxşılığa doğru gedir. Qol vurmamaq ayrı şeydi, belə imkan yaratmamaq ayrı. Biz bu gün də, “Çaykur Rizəspor”la matçda da qol vura bilərdik. Bu vacib deyil. Düzdü, qol vurmaq baxımından problem var. Lakin bunu həll edərik”.
Korner.az-ın məlumatına görə, bu sözləri “Gənclərbirliyi” ilə oyundan sonra “Xəzər Lənkəran”ın baş məşqçisi Mustafa Dənizli deyib.
Türk mütəxəssis komandanın yeni qapıçısı Vyekoslav Tomiçlə bağlı da fikir bildirib: “Tomiçi mən Türkiyədən tanıyıram. Duqlas Leytenin gedişindən sonra qapıçı almağa ehtiyacımız var idi. Belə matçlara əsasən ona qiymət vermək üçün yetərli deyil”.
Dənizli transferlərlə bağlı da danışıb: “Axtardığımız futbolçunu hələ tapmamışıq. Hücumameylli futbolçu transfer etməliyik. Qol imkanları yarada biləcək oyunçu istəyirik. Bir neçəsi ilə danışığımız olub. Bəziləri gəlmək istəməyib, bəziləri yüksək pul istəyib. Amma hələ vaxtımız var. İki oyunçu heyətə qatacağıq. Ən azı biri alınacaq. Mütləq birini transfer edəcəyik”.