Çempionlar Liqasının pley-off mərhələsinin cavab qarşılaşmasında 1:1 oynayıb mərhələ adlaya bilməyən "Fənər"in oyunçusu Mosa Sou fikirlərini bildirib.
Korner.az -ın məlumatına görə, ilk hissənin onlar üçün çətin keçdiyini deyən Sou fikirlərini belə ifadə edib: "Çox imkanımız vardı. Qapıya 25 zərbə endirdik. "Spartak" isə deyəsən 8 zərbə endirmişdi. Təziqlə oyuna başladıq, ancaq bir əks-hücumdan qol buraxdıq. Bu oyunumuzu təsir etdi. İlk hissədə buna görə çox çətin keçdi. İkinci hissə daha yaxşı oldu. Təzyiqləri daha da artırdıq. Ancaq nəticə yenə də istədiyimiz kimi alınmadı. Rəqibin iki hücumçusu bizə problem yaşatdı. Oyunu pis oynamadıq .Bizim bu oyundan məyus ayrılmağımıza səbəb buraxdığımız qol oldu. "Spartak" çox yaxşı müdafiə olundu. Yaxşı oynadılar deyə bilərəm".
Sonda isə Sou bildirdi ki, "Avropa Liqasında mümkün olduğu qədər irəli getməyə çalışacağıq".
