Mövsümdə ikinci dəfə
02.03.2020 , 16:40
Azərbaycan Premyer Liqasının XIX turunda baş tutan 4 oyundan üçündə heç-heçə qeydə alınıb.
Korner.az xəbər verir ki, “Qarabağ” – “Sabah” matçında 0:0, “Neftçi” – “Səbail” qarşılaşmasında 1:1, “Sumqayıt” – “Keşlə” görüşündə 2:2 hesabı ilə başa çatıb. Yalnız “Zirə” – “Qəbələ” oyununda (1:2) qalib müəyyənləşib.
Bununla da cari mövsümün heç-heçə rekordu təkrarlanıb. X turda da eyni sayda bərabərlik yaşanmışdı.
Ölkə çempionatlarının indiki formatda – 8 komanda ilə 4 dövrədə keçirildiyi müddətdə 7-ci dəfə belə hadisə qeydə alınır. 2016/17 mövsümündən başlayaraq bunadək 6 turda heç-heçə rekordu qeydə alınmışdı.
