Mourinyonun yolladığı futbolçu 70 milyon avroya “Mançester Siti”də

“Mançester Siti” növbəti transferini həyata keçirib.

Korner.az-ın klubun saytın istinadən yaydığı xəbərə görə, İngiltərə təmsilçisi “Volfsburq”da oynayan Kevin de Bruyneni heyətinə cəlb edib.

24 yaşlı yarımmüdafiəçi ilə 6 illik müqavilə imzalanıb. O, yeni klubunda 17 nömrəli forma ilə çıxış edəcək.

Britaniya mətbuatı bu transfer üçün “Mançester Siti”nin “Volfsburq”a 70 milyon avro ödədiyini yazıb.

Qeyd edək ki, de Bruyne bundesliqada ötən mövsümün ən yaxşı futbolçu seçilib.