“Liverpul”un baş məşqçisi Yurgen Klopp “Çelsi”dəki həmkarı Joze Mourinyo haqda fikirlərini bildirib.
Korner.az-ın məlumatına görə, o qeyd edib ki, son vaxtlar portuqaliyalı mütəxəssisə qarşı təzyiqlər onu məyus edir.
“Mourinyonun halına acıyıram. O, dahi məşqçidir və kiminsə buna şübhəsi olduğuna inanmıram. Belə hallar futbolda olur. Mən də ötən il “Borussiya”da işləyəndə eyni vəziyyətlə üzləşmişdim. Buna baxmayaraq, klubda mənə inanırdılar. Bu, yaxşı haldır. Mourinyo üçün təəssüflənirəm. Amma futbolda uğursuzluqlar bizim işimizin bir parçasıdır”.
