Dünən Avropa Liqasında qrup mərhələsinin ilk turunun oyunları baş tutub.
Korner.az-ın məlumatına görə, “Qarabağ”ın yer aldığı qrupda “Monako” “Anderlext”lə səfər oyununda üz-üzə gəlib.
1:1 hesabı ilə başa çatan oyundan sonra Fransa təmsilçisinin baş məşqçisi Leonardo Jardim maraqlı fikirlər səsləndirib. O, açıqlamasında “Qarabağ”ın oyununa da toxunub:
“Anderlextl”ə səfərdəki nəticəni pis saymıram. Ən azından xalsız qayıtmırıq. Qrupdakı rəqiblərimiz hamısı güclüdür. “Tottenhem” – “Qarabağ” oyununa baxsaq, Azərbaycan təmsilçisinin bir ingilis klubuna qarşı necə yaxşı çıxış etdiyini görə bilərik. Onlar həqiqətən də layiqli mübarizə apardılar. Bizim bütün oyunlarımız çətin olacaq”.
