“Təbii ki, oyunun sonuna yaxı yorulmuşdum. Haradasa 70-80-ci dəqiqədən sonra ayaqlarım sanki daha da ağırlaşmışdı”.
Korner.az-ın məlumatına görə, bu sözləri 21 yaşadək futbolçulardan ibarət millimizin və Düsseldorf “Fortuna”sının yarımmüdafiəçisi Tuğrul Erat “Union Berlin”lə oyunla bağlı danışarkən deyib.
Futbolçumuz bu oyunda vurduğu qoldan danışıb: “Hələ ötən oyun Cimm Hofferə vəd vermişdim ki, qol vursam, bunu ilk növbədə onunla bölüşəcəyəm. Ancaq o oyunda fərqlənə bilmədim. Bu dəfə isə fərqlənib ötən təqsirimi yudum”.
Eratın bildirib ki, vurulmuş qol komandasına arxayınlaşdırıcı təsir göstərib: “Mən qola çox sevindim. Bir neçə vəziyyətdən sonra biz nəhayət ki qol vura bildik. Ancaq hesabda irəli olaraq biz süstləşdik. Bizə qol vurulanda isə bu, bizə yüngülcə zərbə oldu və müəyyən müddət biz daha çox müdafiə olunduq”.
Qarşıdakı tur oyunu haqda danışan futbolçu növbəti oyunda səhvlərini aradan qaldırmaq istədiyini bildirib: “Bohum”la oyunda heç-heçədən daha artığına ümid edə bilərik. Bohumda mütləq qalib gəlməliyik. Çünki bizə xallar lazımdır. Axı rəqib bizdən yalnız bir xal geri qalır və büdrəsək, yarış cədvəlində bizi qabaqlaya bilərlər”.
