Müxtəlif yaş qruplarından ibarət yığma Azərbaycan komandalarında çalışan bir qrup məşqçi Almaniyada səfərdə olub.
Korner.az-ın AFFA-nın saytına istinadən yaydığı xəbərə görə, 16 yaşadək futbolçulardan ibarət Azərbaycan yığmasının baş məşqçisi Təbriz Həsənov, U-19 qızlar yığmasının baş məşqçisi Patrisiya Qonzales, bu komandanın fiziki hazırlıq üzrə məşqçisi Rikardo Da Silva və yığma komandaların qapıçı məşqçiləri üzrə koordinatoru Viktor Miqel Fernandes səfər çərçivəsində “Bavariya” (Münxen) klubunun bazası ilə tanış olub.
Onlar həmçinin komandanın baş məşqçisi Xosep Qvardiola ilə görüşüb, məşq prosesini izləyib, fikir nübadiləsi aparıblar.
