Avstriyada təlim-məşq toplanışında olan 19 yaşadək futbolçulardan ibarət Azərbaycan yığması üçüncü yoldaşlıq oyununu keçirib.
Korner.az-ın məlumatına görə, Albaniyanın müvafiq yaş qrupundan ibarət komandası ilə qarşılaşan yığmamız 2:1 hesabı ilə qələbə qazanıb. Komandamızın qollarını Mirkamil Haşımlı və Emin Zamanov vurub.
Xatırladaq ki, toplanış çərçivəsindəki əvvəlki yoldaşlıq oyunlarında futbolçularımız xorvatiyalı həmyaşıdlarını və “Rapid” (Vyana) klubunun U-19 komandasını 1:0 hesabı ilə məğlub etmişdi.
