Milli beynəlxalq turnirdə iştirak edəcək

Azərbaycan taekvondoçuları fevralın 4-7-də Birləşmiş Ərəb Əmirliklərində beynəlxalq turnirdə iştirak edəcək.

Korner.az xəbər verir ki, G2 kateqoriyalı yarış Fujeyrada təşkil olunacaq.

Kişilərdən ibarət yığmanın baş məşqçisi Məmməd Abdullayevlə böyük məşqçi Elnur Amanov turnirdə Səyyad Dadaşov (58 kq), Cavad Ağayev (74 kq), Eltac Qafarov (80 kq), Milad Beiqi Harçəqani və Həmidrza Badrialiabadiyə (hər ikisi +87 kq) şans verəcək.

Qadınlardan ibarət millinin baş məşqçisi Sun Mi Park isə BƏƏ-də Zemfira Həsənzadə, Minayə Əkbərova, Məryəm Məmmədova,  Səmərrux Osmanova (hamısı 49 kq), Səidə Əliyeva (57 kq) və Fatimə Məcidovanı (67 kq) yoxlayacaq.
Fevralın 2-də səfərə yollanacaq komandaya rəhbərliyi Azərbaycan Taekvondo Federasiyasının vitse-prezidenti Niyaməddin Paşayev edəcək.

Qeyd edək ki, yığma Bakıya fevralın 5-də qayıdacaq.