London "Arsenal"ının futbolçusu ötən mövsümdə göstərdiyi oyun barədə açıqlama verib.
Korner.az-ın məlumatına görə, klubun ən bahalı transferi ünvanını qoruyan Özil ötən mövsümdəki uğursuz çıxışını etiraf edib. Yay aylarında qazandığı Dünya kuboku ilə uğursuzluqlarını ört-basdır edən futbolçu bu barədə açıqlama verməklə yaddaşları təzələyib. Türk əsilli almanın sözlərinə görə, o, yeni mövsümün başlanmasını səbirsizliklə gözləyir:
"İngiltərədə oynamağın çətin olduğu məlumdu. "Arsenal"daki ilk mövsümdə müəyyən çətinliklərim oldu. Tənqidlər bir-birinin ardınca gəlirdi. Bəzilərində azarkeşlərə haqq verirdim. Etiraf edirəm ki, ilk mövsümdə bütün gücümü nümayiş etdirə bilmədim".
Xatırladaq ki, Özil ötən mövsüm "Real"dan 43 milyon avroya transfer olunmuşdu.(Mirror)
