Mbillanın son durumu: “İnter”ə qarşı oynayacaqmı?

AZAL-la oyunda zədə alan “Xəzər Lənkəran”ın aparıcı futbolçusu Mbilla Etame hələ də normal hərəkət edə bilmir. 

Korner.az-a, bu barədə klubun mətbuat xidmətindən məlumat verilib.

Bildirilir ki, Etame hələ məşq etməyə hazr deyil. Ehtimal olunur ki, hücumçu “İnter”ə qarşı ev oyununda meydançaya çıxmaya bilər.

Ümumi götürsək, AZAL-la  oyundan sonra “Xəzər Lənkəran”da əhval-ruhiyyə də yaxşı deyil. Yəni Mustafa Dənizli komandasını oyuna hazırlamaqla yanaşı, psixoloji durumu da qaydasına salmalıdı.