İngiltərənin “Mançester Siti” klubu yeni mövsüm üçün ilk transferini etməyə hazırlaşır.
Korner.az-ın məlumatına görə, bu haqda “Mirror” xəbər yayıb.
Bildirilir ki, “şəhərlilər” “Monako”nun futbolçusu Bernardo Silvanı heyətinə cəlb edir.
Portuqaliyalı yarımmüdafiəçi artıq tibbi müayinə üçün Mançesterə gedib. Onunla bugünlərdə müqavilə imzalanacaq.
Qeyd edək ki, 22 yaşlı futbolçu bu mövsüm “Monako”nun heyətində 58 oyuna 11 qol vurub.