Mövsümün sonunda Manuel Peleqrini ilə yollarını ayıracağı gözlənilən “Mançester Siti” klubu baş məşqçi axtarışlarını davam etdirir.
Korner.az-ın “AS” qəzetinə istinadən verdiyi məlumata görə, Mançester təmsilçisi artıq “Real”ın baş məşqçisi Karlo Ançelotti ilə danışıqlara başlayıb.
Lakin italiyalı mütəxəssis “Mançester Siti”nin təklifinə cavab verməkdə tələsmir. İngiltərə klubunun rəhbərliyi Ançelottiyə düşünmək üçün aprelin 30-na qədər vaxt verib. Həmin vaxta qədər Ançelotti “Mançester Siti”nin təklifinə qəti cavab bildirəcək.
Qeyd edək ki, 55 yaşlı mütəxəssisin “Real”la müqaviləsinin müddəti 2016-cı ildə başa çatacaq. Onun mövsümün sonunda komandadan gedəcəyi gözlənilir.