Bu gün Avropa çempionatının seçmə mərhələsi V tur çərçivəsində keçirilən Azərbaycan – Malta oyununda meydan sahibləri qalib gəldi.
Korner.az-ın məlumatına görə, oyundan sonra tə.kil olunmuş mətbuat konfransında Malta yığmasının baş məşqçsi Pietro Gedin bunları deyib:
"Futbol riyaziyyat deyil, burda qələbə də vae, məğlubiyyət də. Ən asan olan isə məğlubiyyətdir. Bu gün məğlub olmağa layiq deyildik. Öz səhvlərimiz ucbatından uduzduq. Birinci hissədə heç de yaxşı oynamadıq. Taktikamızı tapa, mövqeləri bağlaya bilmirdik. İkinci hissədə 4-4-2-yə keçdik ve daha yaxşı oynadıq. Rəqibin hər iki cinahı yaxşı təsir bağışladı. Azərbaycanla son oyunumuzda da rəqib yaxşı oynadı. Bizim həmin matçda problemlərimiz çox idi. Bu dəfə də Azərbaycan millisi yaxşı oynadı. İki oyunun fərqi odur ki, bu dəfə biz də yaxşı oynadıq"
