“Qarabağ” sabah ölkə kubokunun 1/4 finalının cavab oyununda “Qəbələ”ylə qarşılaşacaq.
Korner.az-ın məlumatına görə, vacib görüş öncəsi komandanın müdafiəçisi Maksim Medvedyev oyunla bağı klubun saytına açıqlama verib: “ Hazırlıqlar normal qaydada gedir. Bilirik ki, bizi “Qəbələ” ilə çətin oyun gözləyir. Rəqibimizin bəlkə də ən əsas hədəfi kubokdur. Məlumdur ki, Avropaya gedən ən qısa yol kubokdan keçir. Amma biz də eyni hədəf üçün mübarizə aparırıq. Yarımfinala çıxmaq istəyirik. Bunun üçün isə “Qəbələ”ni keçməliyik. İlk oyunda qeydə alınmış nəticə ilk baxışdan bizə sərfəli görsənir. Amma 90 dəqiqənin eyni hesabla oynanacağını heç kim fikirləşmir.
Medvedev daha sonra komandasının hazırkı durumunu ÇL-də mübarizəni dayandıran "Mançeter Yunayted"lə müqaisə edib
“Mançester Yunayted”in vəziyyətinə düşüb-düşməyəcəyimizi deyə bilmərəm. İngilislərə 1:1-lik nəticə sərf etsə də onlar yenə də qol vurdular, mübarizə aparırdılar. Sadəcə qırmızı vərəqə Ferqyüsonun yetirmələrini pis vəziyyətdə qoydu. “Qəbələ”ylə oyunda qırmızı vərəqə almağı düşünmürük (gülür). Bəli 2 ildir ”Qəbələ”ni uda bilmirik. Amma heç vaxt onlara qarşı əzilməmişik. Sadəcə, nəsə olur. Çoxlu qol imkanlarımız olur, amma yenə də qalib gələ bilmirik. Futbolda belə şeylər olur. Təbii ki, biz də nə vaxtsa “Qəbələ”ni udmalıyıq”.
