Avropa Liqasının II təsnifat mərhələsində “Xəzər Lənkəran”la qarşılaşacaq İsrailin “Makkabi” (Hayfa) klubunun futbolçusu Ran Abukarat ölkəsinin mətbuatına bu oyun öncəsi açıqlama verib.
Korner.az-ın məlumatına görə, Hayfa klubunun müdafiəçisi “Xəzər Lənkəran” səddini keçəcəklərinə inandığını bildirib:
“Xəzər Lənkəran”ı tanımırıq. Düzdür, bu komandanın “Makkabi” (Təl-Əviv) klubu ilə oyunlarını izləmişik. Ancaq o zamandan bu günə qədər “Xəzər Lənkəran”ın heyətində xeyli dəyişikliklər olub.
Təbii ki, Avroliqada istənilən rəqibə hörmətlə yanaşmalıyıq. “Xəzər Lənkəran”ı yaxşı analiz etməliyik. İlk oyundan sonra bu komanda haqda daha çox məlumatımız olacaq. Lakin ilk oyundan mütləq qələbə ilə ayrılmalıyıq. Bunu bacaracağımıza inanıram”.
Qeyd edək ki, “Makkabi” – “Xəzər Lənkəran” oyunu iyulun 18-də, Bakı vaxtı ilə saat 22:00-da başlayacaq.
