Premyer Liqanın IV turu çərçivəsində keçirilən "Bakı" – "Kəpəz" qarşılaşmasından sonra baş məşqçilərin fikirləri belə olub.
Mahmud Qurbanov ("Kəpəz" klubunun baş məşqçisi): "Bakı"nı qələbə münasibətilə təbrik edirəm. Bu gün "Kəpəz" əzmkarlığı ilə seçildi. Heyətdə gənc uşaqlar oynadı. Bir neçə futbolçunu komandadan uzaqlaşdırmışıq. Qırmızı vərəqə almağımız oyuna təsirini göstərdi. Qapımızda çox sadə qollar gördük. Debüt oyunumda məğlub olduğum üçün çox məyusam. Əzmkarlığa görə futbolçularımı təbrik edirəm. İrəlidə çox vaxtımız var. Növbəti tura kimi işləmək lazımdır".
Bojidar Bandoviç ("Bakı" klubunun baş məşqçisi): "Bizim üçün çox vacib qələbə oldu. Birinci hissədə ilk beş dəqiqəni nəzərə almasaq, yaxşı oynadığımızı deyə bilərəm. "Kəpəz" qırmızı vərəqə aldıqdan sonra çoxlu qol epizodlarımız oldu. İkinci hissədə qol buraxdığımız ana qədər yaxşı təsir bağışlayırdıq. Rəqibin qolundan sonra oyuna nəzarəti itirdik. "Kəpəz"in də bir neçə qol imkanı oldu. Təkcə qələbəyə görə yox, oyunçularımı yaxşı mübarizə apardıqlarına görə də təbrik edirəm".
