Məşhur futbolçu qarət edilib
04.10.2018 , 16:43
İtaliyanın “Napoli” klubunun futbolçusu Arkadiuş Milik qarət olunub.
Hadisə Çempionlar Liqasının II turunda Neapol komandasının evdə İngiltərə “Liverpul”unu 1:0 hesabı ilə məğlub etdiyi oyundan sonra baş tutub.
Polşalı hücumçu şəxsi maşını ilə evə gedərkən iki maskalı şəxs tərəfindən saxlanılıb. Onlar oyunçunu silahla təhdid edərək, saatını verməsini istəyiblər. Soyğunçular istəklərinə nail olduqdan sonra hadisə yerindən uzaqlaşıblar.
Polis hadisə ilə bağlı araşdırma aparır.
Qeyd edək ki, Arkadiuş Milikin saatı 20 min avro dəyərində qiymətləndirilir.
