“Komandamın çıxışından razıyam. Taktiki və texniki cəhətdən digər iştirakçılardan daha ağıllı futbol oynayırdıq. Digər komandalar kobud oynayırdılar”.
Korner.az-ın sözlərinə görə, bu sözləri Qəbələdə 15 yaşadək futbolçulardan ibarət komandalar arasında təşkil olunan Üçüncü Qəbələ kubokunu 6-cı yerdə bitirən İngiltərənin “Liverpul” klubunun baş məşqçisi Desmond Con Maher deyib.
İngilis çalışdırıcı turnirin təşkilatçılığından razılığını və yenidən dəvət alacaqları təqdirdə, yarışda məmnuniyyətlə iştirak edəcəklərini bildirib: “Turnir çox yüksək səviyyədə təşkil olunmuşdu, zövq aldıq. Bizim bu tipli turnirlərdə iştirak məqsədimiz qələbə qazanmaq və ya çempion olmaq deyil, əsas komanda üçün futbolçu yetişdirməkdir”.
