İtaliya millisini 2006-cı ildə dünya çempionu edən Marçelo Lippi maraqlı fikirlər səsləndirib.
Korner.az-ın məlumatına görə, təcrübəli mütəxəssis bunları deyib:
"Rəqiblər gücləniblər, amma "Yuventus" da transfer pəncərəsində gözəl işlər görüb. Bu, klubun konkret ideyaları olduğunu sübut edir. "Yuve" hətta qələbələrdən sonra da yenilənməyə vərdiş edib"
Lippi sözlərinə belə davam edib:
"2001-ci ildə Umberto Aqnellinin mənə zəng vurub "Biz Zidanı satmalıyıq" dediyini xatırlayıram, bunu yaxşı qarşılamadım, amma o, əlavə etdi ki, bütün pullar transferlərə xərclənəcək. O pullarla biz Nedved, Buffon, Tyuramı transfer etdik, bu, heç də pis deyildi.
Buna görə də, Xedira dünya çempionudur, böyük təcrübəsi var. Dibalanın fantastik istedadı var və fiziki cəhətdən daha güclü olduqda, ondan böyük işlər gözləmək mümkün olacaq. Mandzukiç "Yuve"nin ehtiyacı olan mərkəz forvard tipidir. Lyorente ilə müqayisədə, qola daha yaxındır. Ruqaninin gəlişi "Yuventus"un İtaliya millisi üçün əsas oyunçu təminatçısı olduğunu sübut edir"
