"Simurq" klubu məqşlərini ara vermədən davam etdirir.
Korner.az-ın klubun rəsmi saytına istinadən verdiyi məlumata görə, komanda bu gündən artıq növbəti turda qarşılaşacağı "Neftçi" ilə oyunun hazırlıqlarına start verib.
Bir saatdan artıq davam edən məşq prosesində futbolçular iki hissəyə bölünüb. Dünən AZAL-la oyunun əsas heyətində meydana çıxmış oyunçular yüngül qaçış və isinmə hərəkətlərilə hazırlıqları tamamlayıb. Ehtiyatda oturanlar isə fiziki hazırlıq üzrə məşqçi Aleksandar Karakliçin rəhbərliyi altında məşq edib.
Qeyd edək ki, "Simurq" I dövrənin son matçında oktyabrın 31-də səfərdə "Neftçi"nin qonağı olacaq.