“Qarabağ”ın hollandiyalı futbolçusu Leroy Corc Avroliqanın 1/16 final mərhələsinə adlamaq şanslarını dəyərləndirib.
Korner.az Sportlife.az-a istinadən xəbər verir ki, dünən “Xəzər Lənkəran”la oyundan (3:2) sonra jurnalistlərə açıqlama verən 27 yaşlı yarımmüdafiəçi artıq “İnter”lə oyunu unutmalı olduqlarını və bu barədə danışmaq istəmədiyini deyib.
Xatırladaq ki, “Qarabağ” “İnter”lə oyundakı hakim haqsızlığına görə UEFA-ya şikayət edib. Məsələyə UEFA-nın İntizam və Nəzarət komitəsinin 05.02.2015 tarixində baş tutacaq iclasında baxılıb qərar veriləcək.