“Xəzər Lənkəran” klubunun bolqarıstanlı futbolçusu Qalin İvanov komandadan ayrılıb.
Korner.az-ın Qol.Az-a istinadən verdiyi məlumata görə, 26 yaşlı futbolçu Lənkəran təmsilçisi ilə müqaviləsini ləğv edib.
“Klubun yerinə yetirilməyən şərtləri səbəbindən “Xəzər Lənkəran”la müqaviləmi ləğv etdim” – deyə Q.İvanov bildirib.
Məsələ ilə bağlı kubdan rəsmi münasibət bildirilib.
“Komandanın maaşları ilə bağlı heç bir problem yoxdur. Qalin İvanov futbolçulara verilən cəriməni qəbul etmək istəmir”.
Bu sözləri “Xəzər Lənkəran” klubunun mətbuat xidmətinin rəhbəri Hüseyn Cəbrayıloğlu deyib.
Bolqar futbolçunun komanda ilə müqaviləsini ləğv etməsinə münasibət bildirən klub rəsmisi məsələni hüquqi yollarla həll edəcəklərini vurğulayıb: “Futbolçular mükafatları necə qəbul edirlərsə, bunu da qəbul etməlidirlər. Sadəcə, Qalin verilən cərimə ilə razılaşmaq istəmir. Lakin bu ona əsas vermir ki, başqa klubla müqavilə bağlasın. Biz məsələni hüquqi yollarla həll edəcəyik”.