“Atletiko Madrid”in qapıçısı Tibo Kurtua “Çelsi” ilə müqaviləsi başa çatandan sonra “Real”a keçəcəyi ilə bağlı şayiələri təkzib edib.
Korner.az-ın məlumatına görə, bundan əvvəl Kurtuanın 2016-cı ildə “Real”a transfer olunacağı barədə xəbərlər yayılmışdı.
Kurtua yayılan xəbərləri axmaqlıq adlandırıb: “Mən başqa kluba keçdiyim barədə “Atletiko”nun baş direktoru Miqel Marinə heç nə deyə bilməzdim. Mənim başqa klublarla heç bir razılaşmam yoxdur. Hamı bilir ki, mənim “Çelsi” ilə müqaviləm var və “Atletiko”da məni hər şey qane edir”.
Tibo Kurtua “Çelsi”yə 2011-ci ildə keçib və sonra “Atletiko”ya icarəyə verilib. O, Madrid klubu ilə bir yerdə Avropa Liqasını, İspaniya Kubokunu və Avropa Superkubokunu udub.
