Bugünədək mətbuatda və ictimaiyyətdə Bakı “İnter”iylə “Simurq”un isti münasibətlərindən, “qardaşlığından” çox yazılsa da, tərəflər israrla bu iddianı rədd edirdilər.
Korner.az-ın məlumatına görə, vaxtilə bu klubların hər ikisində çalışmış Dmitri Kramarenko da sözügedən məsələylə bağlı danışıb.
Rusiya mətbuatına açıqlama verən veteran futbolçu “İnter”lə “Simurq”un bir “bulaq”dan qidalandığını deyib. Rus həmkarımızın “Siz son illər “İnter”də Kaxaber Sxadadzeylə, sonra isə Sergey Yuranla “Simurq”da işləmisiz?” – sualına Kramarenkonun cavabı belə olub: “Hə. “Simurq” – “İnter”in törəmə komandasıdı. Hər ikisinin bir sponsoru var: Beynəlxalq Bank”.
