“Hər iki qolu müdafiədəki kobud səhvlərdən buraxdıq. Buna görə bəzi oyunçularıma hirsliyəm!”
Korner.az-ın Norveç mətbuatına görə, bu sözləri Avropa Liqasının ikinci təsnifat mərhələsində Norveçin “Tromse” klubuna səfərdə 0:2 hesabıyla məğlub olan Bakı “İnter”inin baş məşqçisi Kaxaber Sxadadze deyib.
Gürcü çalışdırıcı bildirib ki, revanş almaq çətin olacaq, ancaq bu, heç də mümkünsüz deyil: “Bu oyunun statistikasına baxsaz, görərsiz ki, bizim də qol epizodlarımız oldu, topa nəzarət etdiyimiz dəqiqələr oldu. Ancaq qol vura bilmədik. Yaxşı nəticə qazanmaq istəyiriksə, son nöqtəni qoymağı bacarmalıyıq”.
