“İlk dəqiqələrdə qol buraxdıq, lakin sona qədər ümidimizi itirmədik, mübarizə apardıq. Oyunun son saniyələrində hesabı bərabərləşdirə bildik".
Korner.az-ın məlumatına görə, bu sözləri "Xəzər Lənkəran" klubunun baş məşqçisi Karles Bakes "Turan"la kubok matçından sonra keçirilən mətbuat konfransında deyib.
İspaniyalı mütəxəssis komandasının qələbəyə layiq oynadığını bildirib:
"Həm oyunumuza görə, həm də yaratdığımız qol epizodlarına görə layiqli qələbə qazandıq. Azarkeşlərimiz uzun yol qət edib bura gəlmişdilər, dəstəyə görə onlara təşəkkürümü bildirirəm. Gələcək oyunlarda da onları sevindirməyə çalışacağıq”.
Qeyd edək ki, əsas vaxtı 1:1 hesabı ilə başa çatan "Turan" – "Xəzər Lənkəran" matçının taleyinə penaltilər seriyasında aydınlıq gəlib. Bu seriyada daha dəqiq oynayan Lənkəran təmsilçisi rəqibini 5:4 hesabı ilə məğlub etməyi bacarıb.
