Kamran Quliyev Litvada dubl etdi
09.09.2019 , 11:07
Litva I Liqasında XXIII turun oyunları keçirilib.
Azərbaycanlı futbolçu Kamran Quliyevin formasını geyindiyi “Jonava” doğma meydanda “Pakruojis”i darmadağın edib – 7:1.
Kamran da bu matçın iştirakçısı olub. O, start heyətdə meydana çıxıb və 84-cü dəqiqədə əvəzlənib. Komandasının iki qoluna da Quliyev imza atıb. 16 və 77-ci dəqiqələrdə fərqlənən gənclərdən ibarət millimizin üzvü cari mövsümdə vurduğu qolların sayını 10-a çatdırıb.
“Jonava” hazırda 36 xalla 16 iştirakçı arasında 5-ci pillədə qərarlaşıb.
