Yeni mövsümün hazırlıqlarını klubun təlim-məşq bazasında davam etdirən “Bakı” dünən saat 11:30 və 19:30-da olmaqla iki məşqə çıxıb.
Korner.az-ın klubun rəsmi saytına istinadən verdiyi məlumata görə, axşam məşqi bir saatdan çox davam edib.
Komandanın məşqi taktiki çalışmalar və topla hərəkətlər üzərində qurulmuşdu.
Məşqdə Elvin Əliyev, Əziz Quliyev və Cəmşid Məhərrəmov iştirak etməyiblər. Zədəli futbolçulardan əlavə komandanın kosta-rikalı hücumçusu Uinston Parks da komandadan ayrı fərdi məşq keçib. Uinston Parksın zədəsi nisbətən yüngül, digər adı çəkilən futbolçuların isə zədələri daha ciddidir.
Ayağında sınıq olan Əziz Quliyevin gələn ayın ortalarında, Cəmşid Məhərrəmovun isə komandaya 20 gün ərzində qoşulması gözlənilir. Elvin Əliyev zədəsi isə daha ciddidir onun komanda ilə birgə məşq etməsinin tarixi məlum deyil.
