Sabah Azərbaycan yığması ilə qarşılaşacaq İsrail millisinin heyətində ciddi itki qeydə alınıb.
Korner.az-ın “Sport Ekspress”ə istinadən məlumatına görə, komandanın tibbi personalıənın rəyi əsasında baş məşqçi Eli Qutman Fransanın “Reyns” klubunun hücumçusu Eliran Atarı heyətdən çıxarıb.
Buna səbəb onun məşqdə ciddi zədə almasıdı. Ötən mövsüm İsrail çempionatının bombardiri olmuş Eliran nə millimizlə sabah, nə də Rusiya yığmasıyla sentyabrın 10-da keçiriləcək görüşdə iştirak edə biləcək. Onu hücum xəttində Elyaniv Barda və ya İtay Şexterin əvəz edəcəyi gözlənilir.