İsrail millisinin heyətində itki baş verib.
Korner.az– ın məlumatına görə, sentyabrın 7-də 2014-cü il Dünya Çempionatının seçmə mərhələsi çərçivəsində millimizlə Tofiq Bəhrəmov adına Respublika stadionunda baş tutacaq Azərbaycan – İsrail oyununda rəqibin aparıcı müdafiəçisi Rami Qerşon meydana çıxa bilməyəcək. Belçikanın “Standard” klubunun futbolçusu diz nahiyəsində əzələsini dartaraq ciddi zədələnib və bu gün cərrahiyyə əməliyyatı olunacaq.
Rami 6 həftə yaşıl meydanlardan uzaq qalacaq. Belə halda o, Azərbaycanla oyundan 4 gün sonra keçiriləcək Rusiya ilə oyunuda buraxmalı olacaq. Bununla əlaqədar Qerşonla İsrail Futbol Federasiyası yığmanın ilk matçlarında iştiraka görə “Standard”dan əməliyyatın vaxtını sonraya təyin etməyi xahiş edib. Ancaq klub rəhbərliyi bununla qətiyyətlə razılaşmayıb.
![](https://korner.az/wp-content/uploads/2018/06/korner-logo.png)