“İnter”in prezidentindən sərt açıqlama: “Neftçi”nin vicdanındakı ləkə böyükdür”

“Hansısa sayt yazıb ki, meydançada çox cüzi ləkə qalıb. Yox, əzizlərim, birinci “Neftçi”nin vicdanındakı ləkə böyükdür. İkincisi, zərər kifayət qədər çoxdur. Bu vandalizm aktına görə meydançanın 65×4 metr örtüyü tamamilə dəyişdiriləcək. Bu, əsla U-17 qızlar arasında dünya çempionatına görə  salınmış təzə meydança deyil. Bu meydança “İnter” klubunun mütəxəssisləri və əməkaşlarının səyləri nəticəsində düzəldilib. Buna görə “İnter” klubu tərəfindən 500 min manat pul ödənilib”.

Korner.az-ın məlumatına görə, bu sözləri Bakı "İnter"inin prezidenti Georgi Nikolov deyib.

"Bankir"lərin başkanı Topaz Premyer Liqanın “Neftçi”yə qarşı keçirilən 24-cü turunun oyununda qonaq komandanın azarkeşlərinin meydançaya fişəng atmalarına sərt reaksiya verib. O, klubun saytında yazı dərc edərək paytaxt derbisində baş vermiş olaylara münasibət bildirib:

“Söhbət ondan gedir ki, futbolda xuliqanlıq sürətlə artır. “Eyzel” stadionundakı faciəvi hadisələr məhz bu cür insidentdən sonra baş verib".