Bu gün İngiltərə Premyer Liqasının 18-ci turuna yekun vurulub.
Korner.az-ın məlumatına görə, son oyun günündə 2 qarşılaşma baş tutub.
Çempionluqa iddialı "Mançester Yunayted" səfərdə "Suonsi"nin qonağı olub. Ser Aleks Ferqussonun rəhbərlik etdiyi komanda rəqibinin müqavimətini qıra bilməyib – 1:1.
Qeyri stabil çıxışı ilə azarkeşlərini üzən "Çelsi" "Stemford Bric"də "Aston Vila" ilə üz-üzə gəlib. London təmsilçisi bu görüşdə rəqibini meydana çıxmağına peşman edib – 8:0.